| Happy Friday放工點捨得即刻返屋企，緊係要約埋班Friend子去威威，咁先夠Happy！食飯吹水飲嘢直落，身體係好疲倦呀，不過個腦仲好亢奮，凌晨點幾都瞓唔著？人哋就話瞓前飲牛奶、食蘋果、聽音樂都有用，如果以上方法你通通都試過，咁不如試吓以下3個方法丫。 | |
| |
| 床上運動 嗱嗱嗱！唔好諗邪嘢呀，講嘅唔係啪啪啪，而係瞓覺前可以喺床上做嘅簡單小運動，除咗可以放鬆身體，瞓前做小運動，仲可以令人更專注於瞓覺呢件事上。可以做咩小運動？介紹你2種啦！ 1.空中踩單車︰抬起雙腳，與上半身呈90度角，然後好似踩單車咁，喺空中雙腳交替地踩踩踩。 2.間歇抬腿：兩腿別懸在半空，呈90度、45度同埋30度嘅位置，每個角度大約停留30秒到1分鐘。 十指梳頭 每晚臨瞓前，可以用手指輕輕滑梳頭皮，以活絡頭部穴道，做完之後，頭皮應該會有微熱嘅感覺，咁先有效果。 熱水浸腳 用個大嘅盆子裝水，水溫大約40度左右，然後將成個腳掌浸入水中，以15至30分鐘為限，唔好浸太長時間，咁做可以刺激皮膚神經末梢，促進血液循環，令腳部同大腦感到輕鬆舒暢，有利於迅速進入睡眠狀態。 |
