聽咗好多年嘅上海迪士尼樂園預計2016年頭就會正式開幕。男人老狗嘅你可能唔係太Care佢個城堡有幾咁大、迪士尼公主有幾咁齊，但你一定痛恨人家個迪迪尼有個「專為中國而設」嘅《Star War》展區(回望香港迪迪尼…唔…)。所以就算你幾咁怕多人、幾咁驚去到黑武士會同你講：「May the 黨 be with you。」你都決定下年冒險去一次上海，探一探佢哋虛實！ 之但係美帝做事真係好唔誠實，早兩日迪士尼就宣佈會分別於佛羅里達迪士尼同加州迪士尼增建《星戰》主題區，仲係有史以黎做大規模嘅增建！說好的「為中國特設」呢？ | |
| |
| 根據迪士尼CEO Bob Iger於D23 Expo所公佈，今次為兩個迪士尼樂園嘅增建園區範圍，分別估地14英畝(大約60萬平方尺)。當中包含兩個主要景點，分別為「駕駛千歲鷹進行秘密任務」，以及「令你置身於來自最新一集《星戰》，帝國軍與反抗軍的激烈戰役之中」嘅體驗景點。Iger甚至明言「你可能預計會見到星戰酒吧(Star War cantina)，而我們還真的有一間。」 | |
| |
| 據知加州迪士尼園區會於2017年動工、佛羅里達州迪士尼動工日期就未定，總知就係等多幾年，《星戰》主題區就唔係上海迪迪尼獨有。唔…都算係期間限定嘅？ |
