每次講啲情侶嘢，都一定會有小毒毒發聲︰「首先你要……」嗱！今次呢篇錫錫文，擺到明要有囡囡先做得，毒L們如果對本文章內容感到不適，心靈受到創傷，可能就要迴避一下喇。

講返正題，男女拍拖，總會體驗到錫錫呢個環節。唔好睇錫錫只係嘴唇掂嘴唇咁簡單，其實佢大有學問。唔少人都有疑惑過，究竟點先鍚得舒服，太輕力又好似少了激情，太肉緊又會錫到嘴仔唔舒服。韓國網站스낵비디오就整理出幾個接吻小技巧，令你同愛侶可以來個挑逗的熱吻。

1. 接吻節奏時快時慢
只有一個節奏嘅吻，可能會令人感到沉悶，時快時慢，先會令對方覺得有mood。

2. 親吻時用條脷輕輕寫ABCD
其實呢個做法只係想借條脷嘅郁動去挑逗對方，但唔知點郁時，可以試吓用條脷寫ABCD。

3. 喺對方嘴中輕輕吹氣
輕輕吹氣嘅觸感，會令個吻更有新鮮感。

4. 用條脷輕輕畫圓圈
呢招同寫ABCD差唔多道理，不過就更去挑逗。

5. 輕咬嘴唇
記得唔好大大力咬親對方，輕輕咬唇係可以傳達性暗示畀對方知道