作為一個雄糾糾嘅男人，你可能會同文青一樣不屑啲女人鍾意埋嗰幾個一睇就知係港女嘅所謂「Princess(迪士尼公主)」，亦有可能對於米老鼠、唐老鴨同高飛狗毫無興趣，甚至覺得去迪迪尼玩簡直有損你做男人嘅尊嚴－－但你必須要承認，自從近年迪士尼收購咗Marvel Entertainment同Lucas Film之後，真係不得不拜服於佢哋嘅行銷實力。 其他嘅唔講，就睇《Star Wars》第七集咁講，又主題園區又喼又燈又PS4又盛咁，未見官就先打你八十之餘仲營造咗個萬眾期待嘅氣氛！近日仲有新搞作架！早排ANA宣佈會於10月推出「R2D2」塗裝嘅波音787行「東京－溫哥華」路線，近日仲公佈咗另外兩部《Star Wars》塗裝客機，唔使飛北美都有得坐！ | |
| |
| 呢兩部客機分別係出年三月啟航、塗裝成新角色「BB-8」、同樣走北美路線嘅嘅波音777，以及另一部印上《Star Wars》Logo，黎緊11月開始主飛日本內陸線嘅客機。 | |
| |
| 根據ANA早幾日公佈嘅消息，呢幾班機除咗有機身塗裝之外，機身內嘅頭枕罩、紙巾同杯都會印上《Star Wars》角色，而且機內娛樂系統仲有哂一套六集《Star Wars》等你一次過睇哂佢。文青數過，6集Star Wars加埋大約係13個幾鐘，東京飛溫哥華一程就9個幾鐘，來回加埋，扣咗啲起飛降落唔畀睇電視嘅時間就應該啱啱好！兩皮幾嘢港紙一程咋嘛，抵啦！ |
