| 好多時講到男生對女生的調情技巧，都唔少得摸摸頭呢個動作。我知，你一定會話有女仔唔鍾意摸摸頭，覺得整亂佢個頭丫嘛，但事實上，除咗個女仔真係Set好晒頭而你去搞亂，又或者佢對你冇乜好感，如果唔係，摸摸頭其實係令女生心跳加速嘅一個極好方法。 | |
 | |
日本網站HAKUR就針對女生喜歡被摸摸頭呢個現象，收集咗女生對於摸摸頭嘅睇法。 1. 會產生心跳感覺 女生只要突然被男生溫柔地摸摸頭，就會有種心跳加速嘅感覺。據調查，有高達八成嘅年輕女性表示，如果自己被年長嘅男性摸摸頭，就會直接喜歡上對方。 2. 會忍唔住向對方撒嬌 摸頭其實就好似對待小動物嘅行為，所以當女生被摸摸頭嘅時候，好容易產生一種自己就同小動物一樣可愛嘅心理，忍不住想對對方撒嬌。 3. 有種墮入愛河嘅感覺 有科學研究證實，女仔畀喜歡嘅人摸摸頭時，腦內會分泌腦內啡，令人有一種墜入愛河嘅快感同刺激感覺。 |