女生之間經常會流行埋啲奇怪嘢，例如好似馬騮屎忽嘅宿醉妝、成個Sailor Moon咁嘅心型瀏海、爛到得返少少布嘅破爛牛仔褲等等，都係男人睇唔明嘅古怪潮流。最近日本女生又有新搞作，就係拍照嘅新Pose。繼之前懶可愛嘅鴨仔嘴同有瘦面效果嘅牙痛Pose，今次興嘅係好似倉鼠咁嘅咬唇嘴！各位巴打要留意喇，如果有囡囡Chock出呢個咬唇嘴，就唔好唔知頭唔知路笑人個嘴做乜春！潮流嚟架！

呢個新嘅拍照Pose叫「ハムハムポーズ（HAMUHAMU POSE）」，唔係真係扮哈姆太郎，而係指輕咬下唇呢個表情。