準備激戰時，一除鞋就聞到強烈腳臭
其實無論男男女女，著住對鞋焗足成日，對腳唔多唔少都會有異味，不過一般而言，啪啪啪時應該都唔會好近距離聞到對腳，所以影響不大。但如果對方對腳真係太臭，咁樣又真係好影響做愛的心情，同埋究竟叫唔叫佢去洗洗腳先好呢？呢個真係好尷尬嘅問題。

接吻時發覺對方有嘢攝牙罅
其實浪漫真係好講視覺觀感，如果接吻時見到對方有條菜攝牙罅，應該會即使覺得冇晒氣氛，更何況錫錫吓先撩到條菜出嚟，應該會更崩潰！！！

啪啪啪中途放咗個屁
其實要喺另一半面前放屁真係需要無比勇氣！冇返咁上下感情基礎真係好難接受到！仲要喺啪啪啪時放，真係會即時降溫。如果係一個默默嘅屁都話丫，但萬一個屁又響又臭，真係好難扮冇嘢。

太重口味的Talk Dirty
唔少人都覺得一邊啪啪啪一邊Talk Dirty可以更激起性慾，但有時講得太Dirty又或者太Over，反而會令人覺得不安同唔舒服，心諗呢條友究竟要玩幾大……？

一起身口臭住咁Kiss
啪啪啪完一齊瞓覺，確係好Sweet好浪漫。但經過一晚，個口少不免會有口氣，如果仲要好似電影咁，一起身好Warm咁咀返啖，真係未必人人接受到。倒不如攬一攬，然後去刷牙先再打車輪？