| 咩話？Apple又有新產品？大陸有冇份首賣呀？係咪又要準備炒啦？華強北價單出咗未呀？第一水可以賺幾多……果農們冷靜啲先！第一，呢件「新產品」係傳咗好一會兒嘅「Apple Car」，講到尾都係一部車，「炒車」好似唔好好老黎喎！第二，2019先起貨喎－－「消息人士」話。 | |
網上設計的「Apple Car」概念圖。Menithings at freelancer.com | |
| 根據《Wall Street Journal》報導，Apple已經花咗一整年嘅時間研究發展第一台「Apple Car」嘅可能性，領導呢個Apple內部稱為「Titan計劃」嘅負責人近日亦得到准許，將原本已經有600人嘅研究隊伍翻兩翻，成為一個1800人嘅團隊。《Guardian》亦報導指Apple正同「GoMentum Station」，一個位於美國加州，由前海軍基地改建而成嘅汽車測試埸地商討借場事宜，亦曾經同加州汽車部嘅政府官員會面，討論有關自駕車嘅規定問題。而Mercedes同Honda都曾經喺同一個地方進行自駕車(Self-Driving Cars)嘅測試。《WSJ》仲收到「消息人士指，Apple內部已經定咗「2019年出貨」呢個目標添！即係話仲有4年時間我哋就會見到先達「收車」嘅奇景啦(應該係)！ | |
網上設計的「Apple Car」概念圖。GurMaster at freelancer.com | |
| 好啦，出貨日期就定咗啦，問題係架「Apple Car」究竟係咩傢伙呢？根據各大媒體由2月到依家嘅報導，最熱門嘅關鍵字就有「行電」同「自駕」兩個，咁係咪代表佢就係想出一部「行電嘅自駕車」？又係根據《WSJ》個「消息人士」透露，儘管「行電嘅自駕車」會係Apple嘅最終目標，但由於Apple之前冇任何製造汽車嘅經驗，「2019年起貨」本身就已經相當有挑戰性，要一步到位做到「全自駕」就更加難，所以第一部Apple Car應該唔會係「全自駕」。 | |
