男人嘅厚背=女人嘅美臀
好多時男人都唔著重背肌，但其實好多女人都慣性跟住男人背後行，成日會見到對方背脊，所以當佢望到男人厚實嘅背部，就會感到特別Man，好比美臀對男人而言，有種獨特嘅吸引力。

男人手臂嘅肌肉=女人性感嘅大髀
緊緻結實嘅肌肉線條，其實男女都一樣覺得咁性感。

男人高挑嘅身材=女人豐滿嘅胸部
男人生得高，真係會特別吸引人，著衫又會好睇啲，如果要同女人嘅身體做對應的話，男人嘅身高應該就等同女人嘅胸部，高嘅男人就好似胸部豐滿嘅女人一樣，有致命嘅吸引力。

男人嘅肩膀=女人嘅骨盆
呢度指嘅骨盆係女人從腰到臀部嘅S形曲線，對女人而言，男人寬闊嘅肩膀會畀人一種安全感，特別有男人味，而男人都會覺得，女人嘅S形曲線充滿女性特質，性感滿分。