文:MenClub Mean娜  圖:互聯網
POSTED ON September 30, 2015 11:59 am

而家香港人咁好韓式食品,咁你又知唔知,其實韓國嘅中秋節係食啲咩架呢?香港人就慣性食月餅,而韓國人呢,就係食……下圖呢樣嘢喇!


咩話?白切雞??仲要咁Mini Size兼睇落成粒芋圓咁?究竟係咩品種-口-?!

其實呢種韓國傳統中秋食品叫松糕,係一種半透明,好有咬口嘅食物。每逢中秋節,韓國人自然會諗起松糕,就好似香港人中秋要食月餅咁。不過,呢個白切雞形嘅松糕只係網民嘅創意作品,傳統松糕並唔係呢個樣嘅。


傳統嘅松糕外型有啲似半圓形嘅水餃,據講食松糕係感謝祖先庇佑,讓今年大豐收。


好多韓國人會自己整松糕,比起傳統嘅半圓形松糕,現代人更喜歡將松糕整成可愛嘅樣子,例如喺松糕上加朵花,或者直接做成花嘅形狀。



仲有扮南瓜嘅Halloween款添!


鍾意嘅話,整成動物形狀都得,一樣咁吸引!


當然,除咗自己整,都可以買現成嘅。


之不過,整成白切雞嘅樣,都真係太離罩了吧……