| 《Playboy》，同《龍虎豹》一樣，大家細細個就聽過，但從來未拎過上手，感受一下啲叔父口中第一次見裸女嘅悸動！但如果你想重溫呢份當年情就要快啦！因為《Playboy》啱啱宣佈由黎緊嘅2016年3月號開始，就唔會再刊登任何裸女照！請注意，係「任何」，即係無論封面封底，內頁定跨頁通通都會變成三點不露！ | |
第一期《Playboy》封面係瑪麗蓮夢露 | |
| 一切嘅原因，就係「時化變」啦。《Playboy》話62年前創立之時，美國正處於非常保守嘅年代，但咁多年黎過去，無論文化同政治環境都已經有好多不同。佢哋嘅總裁Scott Flanders接受《紐約時報》訪問指現時「人們與任何他們想像得到的性愛畫面只是一Click之隔，而且還不用錢。」事實上即使《Playboy》除咗裸女之外仲有大量有質素嘅內容(如人物訪問、小說等等)，網上資訊嘅興起，對其一樣有重大影響，《Playboy》銷量由1975年嘅560萬本，跌到近年嘅80萬本，單單美國市場每年就蝕緊300萬美金。大多其他成人雜誌只能在「專門店」出售。而《Playboy》的「宿敵」《閣樓》早年決定以「甜上加甜」黎應對，結果銷量不升反跌。 | |
| |
| 《Playboy》就用另一個方法殺出一條路。由上年開始佢哋網站就已經率先「去裸化」，成為一個「PG家長指引」嘅「男人網」(謎之聲：咁熟口面嘅又會…)，縱然繼續會有性感女郎出現，但就唔會再係18禁嘅等級，內容亦會以風趣幽默、文化、夜生活等等為主，結果瀏覽量由每月400萬翻咗四翻變成1600萬，平均讀者年齡由47歲降至30歲。網站嘅轉型成功令到《Playboy》決心改革埋雜誌版。 | |
最新一期嘅《Playboy》，睇多兩眼啦，此情不再架啦(via bootymotiontv) | |
| 簡單啲黎講，就係明年2月開始(3月號係2月出)，《Playboy》就會變得比較同某個香港著名男士網站好似樣啦…(應該係，除非唔係) | |
| Playboy.com |
