就嚟到萬聖節，想扮鬼扮馬的話，要點少得「血」呢個元素丫！無論係用喺化妝上又好，佈置上又好，血都有出色嘅嚇人效果，唔係唔用呀化？不過，當然唔會用真正嘅血啦，好多時假血都係用化學嘢溝出嚟，如果想玩埋嘔血，可能仲要自己特登搵食用色素煮煲血出嚟用。

但原來而家有啲飲品，唔使溝都可以直接當血用，嚇人嘅同時又可以放心飲落肚，最方便就係直接買就得，唔使自己慢慢整。

血橙嘅果肉呈鮮紅色，再加上特別調配濃稠度同埋顏色，就成為咗特別嘅Halloween調味飲品。一罐「血のりドリンク」定價388日圓，如果以一年一度嚇人活動嘅經費而言，都唔算貴嘅，但如果都仲係好懶特登去VILLAGE VANGUARD網購嘅話，可以喺搵到另一個更易搵到嘅替代品。

就係「野菜生活100」果菜汁！聽聞「野菜生活100」最好用嘅嚇人顏色係紅色同埋紫色，其中紫色（Energy Roots）嘅驚嚇度更達至10粒星星！