| 唔知點解2015年年尾好似特別多人生小朋友，除咗Facebook見一眾名人紛紛Post初生Baby相（湯盈盈、徐子淇、官恩娜……），Mean娜身邊唔少朋友都生咗BB，真係可喜可賀！不過突然要面對新生命，作為新手父母嘅巴絲打，內心又有咩諗法呢？外國網站Popsugar就列出新手父母嘅心聲，有冇爸爸又有共鳴先？ | |
| |
1.由醫院接BB返到屋企後，會唔知下一步應該做乜 2.BB做任何事都會令你大驚小怪，因為佢真係太可愛喇 3.最怕媽媽或者婆婆嚟睇小朋友，因為一嚟到就會同你講一連串應該點照顧小孩子嘅說話 4.第一次打開充滿屎尿嘅尿片時，有種大開眼界嘅感覺 5.見到未有孩子嘅朋友嘅生活照，會有絲絲懷念嘅感覺 6.當其他人畀你一啲育兒建議時，你會禮貌上笑笑咁聽，但唔係個個都聽得入耳 7.成日望住BB瞓覺個樣，唔敢相信呢個咁可愛嘅小朋友係自己嘅囝囝/囡囡，有一種不真實嘅幸福感 8.已經唔記得對上一次規律地熟睡係幾時嘅事 9.你會做各種滑稽嘅動作教BB行路、食飯等等 10.好難得先有時間休息，點知啱啱瞓著就畀BB嘅喊聲嘈醒 11.BB總係會做一啲你喺書上冇見過嘅事情，所以都係執生吧啦 12.只要有時間可以好好放鬆，就算係發呆都係一種享受 13.為人父母之後成日會忘東忘西，就係唔會忘記同BB有關嘅事 14.第一次將把孩子交畀其他人照顧時，總係食唔安坐唔樂，比起自己照顧時更掛心BB 15.當親朋好友嚟屋企幫你短暫照顧孩子時，你會覺得超爽皮！因為終於可以安心瞓覺
|
