| 演而優則導，喺整個電影業界(甚至AV業界)都並唔係一件好出奇嘅事，但如果「演」嗰套都未上就執導，相對黎講就少見得多。新蝙蝠俠Ben Affleck近日接受訪問指好有機會執導《Batman》獨立電影，大家又點睇？ | |
| |
| 冇錯，我講緊嘅就係有「下巴蝙蝠俠(我改嘅)」之稱嘅Ben Affleck。大家都知佢就係會領導DC反攻Marvel嘅重要人物之一，除咗會喺黎緊嘅《Batman v Superman》中飾演蝙蝠俠、仲會出演《Suicide Squad》、同2017年嘅《Justice League》。而佢接受最新一期《Total Film》訪問時更加首次開口證實，只要佢能夠確保拍出黎嘅成果係好嘅，佢就好有機會為新嘅《蝙蝠俠》獨立電影執導喎！ | |
網上圖片 | |
而Ben Affleck口中嘅所謂「確保成果」，其實係指兩樣嘢：好劇本同有期拍。針對前者，據稱DC Comics嘅創作總監、曾經為DC旗下《The Flash》、《Arrow》以至《Supergirl》等電視劇寫過劇本嘅Geoff Johns會同Ben Affleck一齊編寫新《Batman》劇本，相信質素應該會有保證。而後者就比較麻煩，因為Ben Affleck已經肯定要參加2016上映嘅《B v S》、《Suicide Squad》，以及2017年上映嘅《Justice League》等多部DC電影嘅拍攝及宣傳工作，同時佢亦確實會執導預計2017年上映嘅電影《Live by Night》，換言之保守估計佢要到2017年年尾先有時間拍《Batman》，可能要18甚至19年先有得上。 不過對於我哋呢啲觀眾黎講就唔係好趕架咋，反正DC同Marvel出嘅我都會睇架啦！慢慢黎啦下咁～ | |
