香港就話車廂內嚴禁飲食，但有時去外地坐長途列車，為免乘客坐太耐餓親肚仔，一般都會准許乘客喺車廂內食嘢，所以不難看見一個二個拎住個便當上車慢慢食。其實喺車上食飯，都別有一番風味，又可以一邊欣賞沿途景色，又可以食吓特色飯盒。所以日本千葉嘅長途列車（いすみ鉄道），就推出美食列車（グルメ列車），滿足吓大家！

而且呢一個仲係居酒屋列車添！

事實上，去年千葉鐵道就推出過「美食列車」，不過當時每人收費大約係1萬日元，都有啲貴。不過由10/24開始，呢個新嘅「居酒屋列車」每人消費只要5800日元，都幾抵試喎！