| 就憑大家嘅反應，就知大家應該都幾滿意文青近期嘅「越南越愛」系列。既然係咁文青當然會搵多啲越南美女介紹返畀大家。之前文青介紹過嘅Kha Ngan同Vĩnh Như兩個都係屬於甜美可人型嘅女仔，今次就介紹個充滿成熟美嘅過你哋！ | |
| |
| 呢位Vũ Ngọc Anh(Google Translate譯做「武玉映」，我唔知係咪真，但呢個名實在太有型，所以我決定往後都用呢個名黎稱呼佢)乃係2012年越南小姐嘅Top 5人選。今年27歲嘅佢出生於一個爸爸係建築師、媽媽係老師嘅中產家庭，自己亦係畢業於「銀行協會(Bank Academy)」嘅大學生。再加上白晢嘅皮膚、接近米七嘅身高，根本就係定義上嘅「白富美」黎！唯一美中不足嘅網上資料話佢嘅三圍係「71-66-87cm」，即係30-26-3吋。但冇理由架喎，因為佢啲晚裝相，係咁架喎！ | |
| |
| 事實上佢近期之所以會爆紅，就係因為上年以上面呢個性感打扮出席河內嘅一個活動。你睇咁大個「人」字打咗出黎，冇理由係得30吋上圍嘅！其實選完越南小姐之後，武玉映冇直接加入越南嘅演藝圈，而係一邊做全職嘅銀行職位，公餘時間先出席活動。但呢種打兩返工嘅生活實在太忙，連大時大節都唔可以休息，於是決定向銀行請假全心全意加入演義界，打扮亦由以往嘅純情變成依家嘅成熟性感。 | |
| |
| 佢自己喺一個訪問中就話雖然身邊好多人都話睇唔慣佢做性感嘅打扮，但佢自己就認為咁嘅打扮只係為咗表示尊重場合，絕對唔係為咗炒作新聞－－因為佢話根本就冇諗住長期喺演藝圈發展，總有一日會搵返份有穩定收入嘅工喎…即係佢Quit咗份收入穩定嘅銀行工加入演藝界就係為咗有朝一日可以離開演藝界搵到份收入穩定嘅工？下？媽我好亂呀！ | |
| |
| 面對呢個咁複雜嘅問題，最好嘅解決方法就係「唔諗」！我哋睇相！ | |
| 部份資料:vnexpress |
