對於妹控最強嘅男士而言，呢個世界最幸福最溫暖嘅事，就係妹妹永遠都黐實自己，再好Sweet咁對自己講句「最喜歡哥哥了～！」但現實你未必有個可愛嘅妹妹，就算有，你都未必鍾意黐住你。嚟緊冬天，當然唔想潑大家冷水啦，一於為妹控介紹最窩心嘅聖誕禮物～「妹妹懶人毛毯」！

日本漫畫家兼同人作家三上ミカ最近就公布，將會喺12月底嘅Comic Market（C89）推出新商品，就係可以著上身嘅妹妹懶人毛毯。只要著住佢，就可以體驗妹妹坐喺大髀上嘅幸福感覺。

呢個就係三上ミカ預計推出嘅妹妹懶人毛毯上嘅插畫。