好多男人都鍾情金髮鬼妹，而又唔知幾時開始，俄羅斯、烏克蘭呢啲「戰鬥民族」女仔就成為大家FF嘅對象。好多人都話俄妹又高又靚身材又好又唔介意嫁黎亞洲，絕對係少男中佬強身建體嘅妙品，比起港女好多多聲咁話喎！之但係你又有冇諗過最重要嘅問題，係你根本就冇機會識到戰鬥民族嘅女仔？識到你都同佢溝通唔到？ 不過唔好心灰意冷呀！因為近日網路出現咗個叫「HotRussianbrides(性感俄羅斯新娘)」嘅網站，就係用黎「推銷」俄羅斯單身女子架！睇睇相頭先啦！ | |
| |
呢個網站其實都係一個交友網站，不過有別於一般網站主要針對位處同一個地方嘅單身男女，「Hotrussianbrides」嘅目標係將年輕單身俄羅斯女子推廣去世界各地。點解要咁樣做？據個網站講就係因為俄羅斯男女比例失衡、男尊女卑情況嚴重、加上俄妹崇尚西方嘅浪漫文化，所以比起搵個本土男人，有機會嘅都會揀個外國男人！ 之於啲女，網站就話全部都經過身份核實，所以通通都係真人真相喎…我唔信！世界係冇咁美好嘅事架！ | |
| |
| OKOK，門裏嘅人想走出黎我明，問題係我究竟走唔走到入去先得架？網站提供嘅服務包括線上即時睇片揀女(點解聽落咁奇怪)服務，等你可以即刻知道條女係咪放假相。當然仲有咩即時訊息、Email聯絡呢啲老土嘢，但最值錢嘅係佢有翻譯服務！只要你輸入英文，就會有專人幫你譯做俄文，即係就算溝通唔到都溝通到啦！係咪好貼心呢！ | |
| |
| 好嘞，賣點講哂，又係時候講錢啦。因為除咗設立戶口係免費之外，以上所講嘅所有服務，通通都要先做咗會員。最平嘅「銀會員」要9.99美金一個月(約77港元)、最貴嘅「白金會員」要49.99(約390港元)。睇落就唔係好貴，但係每個訊息、每分鐘網上短片等等服務其實係要另外收錢，最平嘅50個代幣要30USD(約232港元)，但其實只係夠你同人傳22分鐘訊息，計落仲貴過每六秒一蚊……睇黎要溝俄妹都真係要付出唔少喎…… | |
| Hotrussianbrides.com |
