正所謂「男人不明白女人的痛」，男人沒有子宮，又何來M痛呢？尋晚Mean娜就夜媽媽三、四點喺Page到大呻M痛痛到瞓唔著，一眾精圖文紛紛噓寒問暖，當然Warm到入心。不！過！呢！說時遲那時快，即刻換個港女Mode︰「Well，你班男人唔係以為係咁易氹兩句就可以擺平M到中嘅女人呀化？M到嘅嘢你哋識條鐵咩！就算飲暖水敷暖包，紓緩到身理痛楚，咁啲心煩、鬱悶嘅心理痛苦可以點慰藉到我先？！」

嗱嗱嗱！！如果條八婆，呀，Sor，係你女人都咁港女咁難搞，話你唔明白佢有幾辛苦，又話你唔彌補佢M到所造成嘅心靈創傷，呢個時候，你就可以搵呢個「經血珠寶」大佢喇！！(如果你有閒錢的話……再唔係當聖誕禮物送丫？)

話說呢系列「經血珠寶」係由倫敦珠寶設計Lili Murphy-Johnson性以經血為構想設計而成，希望帶出︰「月經不是羞於啟齒的生理現象，而是女人的美麗象徵」呢個訊息。

話就話今時今日社會文明開放，全世界都知月經係女性自然生理現象。但提起月經，總係好似羞於開口咁，一定要用咩「大姨媽」、「M」、「嗰個」嚟取代月經二字；拎塊衛生巾去廁所都要偷偷摸摸唔見得光；漏嗰少少M就好似犯咗法咁要畀全部人側目。喂！血咋嘛，你同我都有啦，使唔使咁呀？

所以Lili就設計出經血珠寶，要人正面面對經血呢回事，話畀人聽，M到並唔可恥，一樣可以好美麗。