早起本來就係一件難事，最近天氣開始凍，要鼓起勇氣離開暖笠笠嘅被窩去返工更加係難上加難！不過商機呢家嘢，本來就建立喺人類生活不便之上。日本有公司睇準大家喺冬天都唔願起身呢一點，決定推出一種男人都夢寐以求嘅新服務～「學生妹鬧鐘」！ 以前睇動漫，成日都見到男主角會出現同一個妄想橋段，就係有個美女可以喺身邊叫醒自己起身。雖然呢個「學生妹鬧鐘」服務冇得叫學生妹上門摷醒你，不過有把Sweet到漏嘅聲Morning call你，一樣都夠爽皮啦～ | |
| |
呢個「學生妹鬧鐘」係日本公司JKMorning推出嘅服務，由女高中生代替鬧鐘去Morning Call你起身，顧客只需要喺網路上提供個人聯絡資訊，就可以指定及安排女高中生每日喺某個時間打電話畀你。 不過唔少人都擔心，話就話係女高中生，會唔會係搵人假扮，求其搵個阿嬋就算？JKMorning就表示，負責Morning Call嘅女生都係貨真價實嘅女高中生，而且全部都經過公司嚴格挑選出嚟添～
|
