雖然話做人應該Think Positive，但下下見到啲正義L有理冇理都講大道理，面對咩情況都一味話「呢個世界真係美麗 啲空氣真係清新」，心入面就想講句︰唔L係囉！面對現實好唔好？

其實呢個世界好多黑暗面，直接講出嚟唔代表Think Negative，只不過係講事實。可能Mean就Mean咗啲，但佢又講得啱喎！吹咩！一齊睇下有咩賤到爆又不得不點頭默認嘅Mean語錄啦！

當你覺得自己又醜又窮又一無是處時，千祈唔好絕望，因為至少你仲有正確嘅判斷力。

你全力做到嘅所謂最好，可能都比唔上人哋隨便咁搞下。

上帝係公平嘅，畀咗你一張醜嘅臉，仲畀咗你一個窮嘅家。

即使你咁努力忍受咁多寂寞同痛苦，都唔見得你有幾優秀丫……

愛笑嘅人運氣都不會太差，一般都係成績差。

醜小鴨變成白天鵝，唔係因為佢有幾努力，而係因為佢父母本身就係白天鵝。

愛笑嘅人運氣唔會太差。但如果一個人運氣一直都唔好，我唔知佢仲點笑得出囉。

努力唔一定會成功，但唔努力一定會好舒服囉！

好多時候你唔逼下自己，你就唔知道原來你仲有能力令件事變得天衰。

比你優秀嘅人都仲要努力，咁你努力嚟有咩用呢？人還在努力，那你努力有什麼用？

呢個世上99%嘅事都可以用錢去解決。

只要係石頭，去到邊都唔會發光。

減咩肥丫，樣衰同肥都冇關係嘅。

女生話鍾乾乾淨淨嘅男仔，其實就係指生得靚仔。

點解會有「自古紅顏多薄命」呢句說話？因為根本冇人會在意醜嘅人生存幾耐。

Bill Gates休學創業成為咗世界富翁，但人哋休嘅係哈佛大學。

而家嘅父母要小朋友細細個就參加各種興趣班，等佢哋唔好輸在起跑線上，不過有啲人，一出生就已經係生在終點線上。

你只有努力過先會知道，智商上嘅差距係冇得超越嘅。

灰姑娘嫁畀王子，但唔好忘記佢本身都係伯爵嘅女兒。

對今日解決唔到嘅事情，唔好心急，因為聽日一樣解決唔到。