聖誕Party唔係女人爭風頭嘅天下，男人一樣可以搶Fo~咪再老土諗住扮聖誕老人喇，就算唔Cosplay，你都可以閃閃發光嘅~要用咩嘢閃爆全場？唔使打燈嘅，用閃粉就得啦~

2015嘅下半年度，正正就流行閃粉，喺外國，大把媒體都有介紹閃粉頭髮同閃粉鬍鬚呢兩大潮流，等你舉手投足都閃閃生輝，就算唔Gel頭都一樣Charm死人。

不過原來閃粉頭髮同閃粉鬍鬚嘅進化版，係閃粉腋毛就真，男男女女都啱玩！咪以為女仔一定會剃加拿大毛，隨住近年唔少女性都推祟原始、自然美感，好多囡囡都冇再剃腋毛，亦唔覺得有加拿大毛=不雅，反而好Proud of自己咁Pure咁True添～

只要喺社交網上例如Twitter或者IG搵glitterpits，就會見到外國好多人都玩緊閃粉腋毛，巴打聖誕可以諗諗佢喎，反正毛就不嬲都喺度，加啲閃粉就玩得，既方便，又快捷。