| 富奸，一個令一眾漫畫迷又愛又恨嘅名字！愛係佢能夠畫出《幽遊白書》、《Level E》、《Hunter x Hunter》呢啲神作；恨嘅就係呢條友仔瘋狂休刊嘅習慣。講起休刊，富奸都可以話係無出其右，但原來佢已經創下連續25年冇缺席過《少年Jump》嘅紀錄，問你驚未？ | |
| |
| 「連續25年冇缺席」，係咪聽落去都覺得同富奸呢個名好唔夾呢？其實所謂「無缺席」，係指過去呢25年黎，富奸每年都至少會有一話作品刊登於全年任何一期《少年Jump》之上。所以準確啲黎講，係「缺席率」從未達到過100%。但隨住2015年最後一期《少年Jump》於12月21日推出而冇任何富奸嘅作品登場，經歷短篇《狼なんて怖くない!!》(1989年)、《幽遊白書》(1990~1994)、《Level E》(1995~1997)同《Hunter x Hunter》(1998~2014)，富奸嘅25年冇(完全)缺席嘅紀錄終於告終！究竟值唔值鬼高興呢呢件事…… | |
| |
| 值得一提嘅係原來縱觀整個《少年Jump》，唯一一個擁有比富奸更長「出席紀錄」嘅，就只有由1976年開始連載《烏龍派出所》、出名唔休刊兼準時收工嘅秋本治老師！即係如果《少年Jump》係一間中學，勤工獎第一名係品學兼優嘅班長，第二名竟然係每日點咗名就走埋一二邊腰痛嘅死MK，你話成件事幾咁諷刺真係！ | |
