大數據

最簡單嘅當然就係睇下總瀏覽數字啦！2015年Pornhub總共錄得超過870億次嘅瀏覽量、播放咗超過43億小時嘅成人內容－－43億小時即係有幾耐？答案係超過50萬年，具體啲講就即係比起人類(Homo)出現嘅歷史更長。如果將所有播放過嘅成人內容以File Size黎計，就足夠裝滿1.75億部16GB iPhone。而Pornhub所以留言中最常用嘅字就係「Love」－－Pornhub果然係充滿愛嘅地方！

逗留時間

每個瀏覽者嘅平均逗留時間就由上年嘅9分16秒，輕微增加至9分20秒。Dr Laurie就話咁代表大家上Pornhub都係為咗解決性需要，所以「睇完打完」就會走。至於平均逗留時間最長嘅就係菲律賓網民，12分45秒嘅紀錄比上年多5秒，其次就係美國、澳洲，同埋出名性保守(保唔保守同強唔強姦係兩件事黎架下我提提你)嘅印度。另外逗留時間最短嘅就係古巴、蒙古同哈薩克，代表啲咩？你話呢？

打J高峰期

Pornhub亦都整理咗不同時段嘅瀏覽量，以計算出喺咩時間最多人打J。結果同大部份估計嘅一樣，最高峰期都係來自深夜時段。不過值得一提第二高峰期係來自下晝四點，而由下晝一點開始，瀏覽量會顯著增加直到7、8點晚飯時間先會稍為回落。究竟咩人咁得閒食完飯打個J先呢？

搜尋關鍵字

有關Pornhub嘅關鍵字，之前都有介紹過啦。而2015年嘅最熱門關鍵字，就由上年第二嘅「Lesbian(女同性戀)」奪得，而上年冠軍「Teen(年青人)」就跌落第二。當中嘅原因同越黎越多女性用家瀏覽Pornhub不無關係。而上年第三嘅「milf(Mother I'd like to Fxxk, 我想上的媽媽)」就下跌兩位，讓路於上年第四嘅「Step Mom(繼母)」同上升四位嘅「 Cartoon」。值得一提嘅係「最佳進步獎」由跳升71位嘅「Step Mom and Son(繼母與兒子)」奪得，「Celebrity sex tape(名人性愛影像)」就上升47位排第二。

而如果以搜尋數量嘅增幅黎計，第一名會係「Giantess」－－即係以體形巨大嘅女性與體形瘦小嘅男性為主題嘅AV…唔…啲鬼佬嘅口味真係好獨特呀下……

分區點算

Pornhub網站上面仲有最多用家嘅20個國家分區數據，由於數據量太多，我就唔逐個講。有趣嘅係20個國家入面，美國、英國、加拿同澳洲嘅最熱門關鍵字都係「Lesbian」。另有16個國家中，有15個嘅最熱門關鍵字都係自己國家嘅人－－即係法國人Search得最多嘅就係「French」咁－－當中包括印度、德國、法國、意大利、巴西、墨西哥、俄羅斯、日本、西班牙、荷蘭、波蘭、菲律賓、瑞典、阿根廷同羅馬尼亞。至於最後一個係邊個？係比利時。佢嘅熱門關鍵字係咩？「French」。

世界地圖

最後就同大家睇睇全個世界不同國家以咩類別嘅成人內容最受歡迎。當中「佔領」最多國家嘅係「Lesbian」，包括整個北美、英國、澳洲、挪威、芬蘭等都屬於呢個「勢力」。而俄羅斯同東歐多國就以「Anal(肛交)」為主、非洲最大勢力就係「Ebony(即黑皮膚)」。而香港所在嘅東南亞，連同日本、南韓、蒙古而及秘魯、智利等南美國家就屬於「Hentai(泛指日本成人內容)」嘅旗下。

以上就總結咗大部份數據，當然Pornhub insight網站上仲有更多詳盡嘅分析。而今晚嘅文青深夜系列仲會有十大AV女星排行榜添，大家記住留意啦！