唔係個個聽到女朋友一句︰「今個月未到……」都會欣喜若狂，為自己即將成為爸爸而感到興奮。如果你自問未想聽到呢句說話，就真係要做足安全措施。可惜目前世界上未有100%成功避孕方法，就算係最絕嘅結紮，都仲有0.1%-0.2%意外懷孕機會率。你話如果有個開關掣可以控制精子流動，簡簡單單啪一啪個掣，啲精子出出入入都盡在掌握之中，咁就真係Perfect池！喂！今鋪唔係真係i have a dream架！有人真係整咗呢個精子開關裝置出嚟呀！ 德國有個叫Clemens Bimek嘅木匠，睇完一部有關避孕嘅紀錄片之後，就開始為絕對避孕作出構思，諗住如果可以喺人嘅體內植入一個精子開關裝置，控制精液流動，可能就可以達到完美嘅避孕效果。於是佢就開始研發，終於喺2016年完成「精子開關裝置概念機」！ | |
| |
| 呢個「精子開關裝置概念機」長度少於2.5cm，重量輕於3g，只需要半個鐘時間，就可以將精子開關裝置植入陰囊，夾住輸精管。當想要避孕嘅時候，就閂咗開關，等精子回流；當想要回復正常時，就打開開關，精子就會如常向目標發射。Clemens就話，其實根據數據統計，有3分1嘅人結紮之後會後悔，未來會選擇解返個紮。如果有呢個裝置幫手，思想負擔都少好多。 | |
| |
| 不過目前呢個「精子開關裝置」都仲係測試階段，搵緊白老鼠為世人尋求性福，快啲搵個人犧牲少少去試啦！冇事架！唔會不舉架！！！ |
