俗語有云︰「男人大丈夫，流血不流淚」！女人就話水造嘅，鍾意喊係何其合理嘅事情，但男人喎！男人喎！男人老狗喎！流馬尿就唔型啦！幾大都忍住咪鬼喊先夠Man架嘛！傻架咩！人心肉造，邊有得話忍就忍，感動會喊、傷心會喊，都係人之常情。其實男人都係人，都有想喊嘅Moment，就算再堅強，總有觸動男人淚腺嘅Reason。

外國就有網友開Post討論，令佢哋想流下男兒淚嘅理由，巴打又會唔會有共鳴呢？

「睇《阿甘正傳》睇到阿甘問佢個仔愛唔愛佢嗰段……我就忍唔住想喊。」

「見到老婆喊，就會諗到我唔希望佢有必須一個人喊嘅時候，然後我都喊埋一份。」

「當電影入面嘅狗狗死嘅時候，我就覺得好難過。」

「當我諗到自己冇朋友可以一齊飲酒、一起分享心事、一起討論性嘅時候……」

「睇《Toy Story3》嘅時候。」

「被踢到蛋蛋嘅時候。」

「做新手爸爸咩都Handle唔到但又一定要面對，真係好崩潰。」

「見到老竇喊嘅時候，我都會想喊。」

「人大咗都仲未達到父母期望時……」

「分手嘅時候，自然都會想喊……」

「寵物死嘅時候。」

「自己無能力為家庭分擔，就會好內疚同無奈，諗到眼濕濕……」

「見到陌生人為微小嘅事感到幸福，就會覺得好感動，自己原來身在福中不知福。」

「見到帳戶餘額嘅時候……」

最後呢個Point……應該男男女女都一樣會想喊……