| 廢話唔多講，話說琴晚開始，高登就出現咗個Post，就係有巴打去銅鑼灣一間泰國餐廳到食飯嘅時候，竟然遇到一個身材超級好嘅女侍應，上圍好到逼爆恤衫！佢之後再放埋相出黎，有圖有真相之下就更加係驚為天人！於是一眾巴打就喺寒風凜冽之下將個女仔極速起底。更加有人話佢係整容大陸妹。究竟佢係何方神勝？文青就火速聯絡上呢位「Larine」，仲同佢做咗個簡單訪問！係咪做到嘢先！ | |
圖片：[多圖] 琴晚食飯個Waitress 大波到撐爆衫 on 高登討論區 | |
| Larine今年啱啱滿十八歲，黎緊準備考DSE，而佢目前就喺嗰間泰菜館到做緊兼職。對於自己突然間有咁多人識，佢話其實有啲驚。除咗因為唔少人會留言或者傳一啲「好難聽」嘅訊息比佢(嗱係咪呢，叫咗你哋檢點啲架啦！)，仲同佢由細到大嘅經歷有關。Larine話佢由好細個開始就因為血統(媽媽係重慶人)、樣貌同身材而被欺凌，有人會喺佢嘅檯櫈甚至學校廁所寫佢個名出黎搔擾佢，甚至會有高年級嘅學生喺放學時圍住佢話：「你個胸係咪真架，可唔可以揸下架？」，令佢嘅情緒非常困擾，更加要睇心理醫生。 | |
| |
| 好在佢嘅心理醫生就教佢將平時遇到嘅事寫成故事，唔好將唔開心嘅嘢收埋，所以就培養出寫故事嘅習慣。平時興趣方面，就鍾意研究超自然力量以及佛學，上年仲考埋催眠師牌照(文青按：雖然香港冇官方嘅催眠師註冊制度)。至於會唔會食住條水做幕前演出，佢就話自己對住鏡頭始終唔係太自然，所以冇咁諗過喎。 | |
影片：hk OneSpecialDay on youtube Larine曾經為咗幫朋友而化名「Angela」主持網上短片。根據佢講份稿其實係佢自己寫嘅，不過佢就覺得自己喺鏡頭前講嘢好生硬喎。 | |
| 咁大家當然都想知佢嘅感情狀況啦！Larine就同我講如果唔計拖下手仔錫下咀仔嗰啲，其實佢係冇拍過拖嘅－－因為佢有一個暗戀咗好多年嘅男仔！呢個男喺佢當年有情緒問題是，鼓勵佢去睇心理醫生，係一個「非常非常善良」嘅人，而且同Larine一樣鍾意研究佛學。Larine就話最鍾意佢思想夠成熟喎！如果你身邊有個咁嘅朋友，最好就快啲打佢一獲，然後同佢講有個靚女暗戀咗佢好多年啦！之於其他人呢，就不要自作多情去做夢啦！得閒睇下Larine做「17」直播算啦！ | |
| |
lllarine on instagram [多圖] 琴晚食飯個Waitress 大波到撐爆衫 on 高登討論區 |
