| 14:06更新：Newtype於今日12:39分出咗公告，話條片係假嘅。即係2016夏天大家可以專心睇奧運啦。 | |
| 終於畀我哋等到啦！對上一次已經係四年前啦，今個夏天終於又有得睇啦！！而我唔係講緊奧運呀，係講緊《EVA》劇場版最後一集終於都有上映日期啦！ | |
| |
| 唔經唔覺，原本作為《The End of Evagelion》播出十年後(即係2007年)重新製作嘅新劇場版，經歷《序》、《破》、《Ｑ》三集，自己都玩咗差唔多十年，而最後一集《│▌》(音樂休止符號，但如果連上前面個「：」成為「：│▌」就會成為重覆符號，但都係嗰句，唔好問我點讀)，就由上屆奧運(2012)搞到依家都未播，好多粉絲等到頸都長埋。但黎到又一個奧運年，終於畀我哋等到啦！喺琴日，製片商「Studio Khara」失驚無神喺自己個Youtube上面擺出咗《│▌》嘅預告，仲大大隻字寫住「2016年8月31日公式網站公開」添！ | |
就係呢條片啦，但係咪睇唔到呢？睇埋落去你就知啦！ | |
| 不過，一向畀人「狼來了」慣咗嘅網民就顯得非常冷靜。除咗因為《│▌》有多次延期嘅前科(本身就話「2015年冬」嘅)，大家對於「公式網站公開」呢幾隻字都抱有疑問，思疑會唔會只係情報公開而非真正公映。而最重要嘅資料就係－－Studio Khara好快就喺Youtube上移除咗條片！即係等如一個女人前科唔好，又鍾意玩語言偽術，依家仲學人突然消失，咁你仲信唔信佢今年夏天真係會嫁畀你？至少就真係等到夏天先算囉。 | |
圖片：Gigazine 條片就冇咗，好在有日本網民Cap哂圖。睇到係半紅半粉紅嘅二號機大戰一班疑似使徒。仲有最後嘅公開日期 | |
| Gigazine |
