新年流流咁多人出入屋企，你又要出入人哋屋企，一班三姑八婆喺度細聲講大聲笑，啲表弟妹又霸住PS4，你就一支公坐埋一二邊等候發落，跟手老媽子叫你埋下堆咪咁失禮，可惜你又唔係德成僱傭，可以隨時隨地都融入家中，呢個情況，應該點算？！

其實想融入家中，靠件衫就得，不過件衫唔係幫你融入家人之中，係直接融入傢俬，等啲人完全睇你唔到咪唔使煩囉！你睇下圖班人就完美示範撞衫隱身術，就算你隱術失敗，同周圍環境撞晒衫咁好笑，都可以開到話題同人傾丫，有so喎！