1.不停唉聲歎氣表達不滿，如果冇人理你就加大歎氣力度，十足演大戲咁勁誇張地歎氣，值到有人問起你為止，先講句畀人嘈到好頭痛好辛苦。

2.清喉嚨去表示自己嘅不滿，如果對方冇反應就拉長聲清喉嚨、顫音清喉嚨，花式清喉嚨，必要時一邊喉嚨一邊咳出首歌都仲得。

3.拎部電腦坐喺佢地面前，如果佢哋問起你做咩，就話︰「呢度好似比較靜，所以我想喺呢度靜靜地咁用電腦寫吓嘢」。

4.畀啲潤喉糖佢哋食，畀嘅時候記住加多句︰「你哋傾咗咁耐聽到我耳仔都痛，乜你哋喉嚨唔痛架咩？」

5.走到好嘈嘅親友面前，面帶笑容好有禮貌咁問︰「對唔住呀，我有冇嘈親你呀？」

6.同佢哋講類似麥兜媽媽講嘅小故事，去暗示佢哋再咁嘈就知味道︰「從前有兩個人一直大聲傾偈，唔理他人感受，只係諗到自己，後來佢哋死咗。」

7.喺Forum或知識板出Post問「如果親友好嘈點算好」嘅問題，然而拎畀煩膠親友睇，問佢哋點答好。