| 龍珠、街霸、拳皇都有拍過真人版電影，當中仲有唔少係荷里活大成本製作，但下場係點大家都好清楚。反而由民間發起嘅作品，例如之前介紹過嘅真人版街霸，就大獲好評。近期Kickstarter又有一套獨立作品集資中，特別之處除咗係用《餓狼傳說》做藍本，導演Jason更加係華人黎！喂大家同鄉喎！點都要撑下啦下話！ | |
| |
| 套電影真名其實係叫《Embers》，由於美國長大嘅Jason執導。Jason曾經於2010年回家加入電視台工作，後來就選擇回美國發展。根據佢向我哋透露，上年，因為原本要參與嘅賽車電影資金不足而停拍，佢就索性自資拍攝。然後又發現《餓狼》嘅雖然係格鬥Game經典，但就冇咩作別可以平衡到故事同Cosplay，於是就決定以《餓狼》為藍本寫成《Embers》。 | |
| Jason仲話最難其實係選角，當中主角Terry雖然幾位參加UFC、MMA嘅人報名，但外型唔似。直頭佢喺網上面搵到目前嘅演員Jeff，但最初佢又因為係華人導演所以有所猶豫，好在最後Jason憑誠意打動佢參演。另一個非常、極度、超級重要嘅角色不知火舞，本來就搵咗位台灣演員演出，後來又因為私人理由拒拍，結果要返到去廣州先搵到依家嘅演員Cherry－－好在個造型同身材都非常對辦啫！ | |
原本飾演不知火舞的台灣演員Julia
現任演員來自廣州的Cherry
飾演Terry的Jeff
| |
| 睇返佢哋喺Kickstarter上面嘅頁面，拍攝工作基本上已經完成，目前仲差嘅係後期工作。尤其佢哋用上Hollywood 級嘅視覺效果技術，成本就更加重。佢哋嘅目標係喺3月3日前籌到10000美金，如果想普通支持下嘅5蚊美金都可以，當然如果你好支持呢套電影(尤其係當你睇完呀不知火舞個造型)，最貴嘅2800美金選項就包埋機票飛去同不知火舞、Bob以及雅典娜嘅演員共進晚餐！有興趣嘅就去佢哋個Kickstarter頁面到睇下啦！ | |
Embers Fatal Fury on Kickstarter | |
