其實唔少人都鍾意情人節送禮物之餘再加張心意卡,一來感覺更貼心,二來又可以向對方表達難以開口嘅心底話。但對於拍咗好耐嘅「老夫老妻」而言,情話綿綿呢啲肉麻嘢仲有咩好講丫,大家都咁熟,「情人節快樂」、「我愛你」呢啲對白聽咁多年都冇晒新意,仲會好似初初拍拖咁,因為一句我愛你而心跳加速咩。老老竇竇,拍咗一段長時間,愛情中可能少咗好多激情,唔係話兩人之間變淡,只不過係兩人嘅激情已經變成感情,唔會咁易有當初嘅心動時刻,呢個時候,與其好似以前咁講我愛你,不如換個個新方法表達愛意,可能感覺仲sweet仲close。
外國插畫家Julie Ann就設計咗一系列心意卡,專為拍咗好耐拖嘅「老夫老妻」而設,內容幽默得嚟又幾sweet,實中好多情侶心聲。當中仲有啲曳曳意味,啱晒鬼馬情侶。
「多謝你成日都扮聽緊我講嘢」 |