| 就算依家嘅人幾咁唔鍾意睇書，但每一代都係有各自嘅代表性讀物，就好似《哈利波特》系列咁就係一個好例子。原來唔覺唔覺，距離第七集小說《死亡的聖物》嘅發行日期已經過咗9年(2007年發行)，而黎緊暑假仲會發行第八集小說添！ | |
| 準確啲呢，呢本第八集其實唔係「小說」黎。於暑假推出嘅，其實係於2016-2017會於倫敦上演嘅舞台劇《Harry Potter and the Cursed Child(中譯《哈利波特與被詛咒的孩子》)嘅同名劇本。故事講述《死亡的聖物》的十九年後，與金妮結婚，已經成為三子之父兼正氣師嘅哈利波特一直被過去的回憶所纏擾；另一邊廂在學嘅次子阿不思．賽佛勒斯亦因為家族名聲而背負沉重包袱。當現實與過去都融在一起，兩父子都發現「有時候，黑暗是來自預計不到的地方。」 | |
舞台劇的三位演員：(左起)Paul Thornley飾榮恩、Noma Dumezweni飾妙麗、Jamie Parker飾哈利 | |
| 除咗作為《哈利波特》系列的第八集之外，舞台劇本身都有唔少看點。第一係演員方面，用上非裔女演員Noma Dumezweni飾演電影中由女神Emma Watson擔任的妙麗。第二就係舞台劇會分為上下部份，雖然可以同一日睇(分別為下午四點以及晚上七點半開場)，但就必須要分開買飛。文青上官網睇過，戲票最平係15鎊一張，上下部份加埋就係30鎊，貴就唔算貴不過要坐到四樓咁高，落一層都已經要40鎊一張，唔怪得英國週刊《Spectator》都話佢哋係賺到盡啦！ | |
| |
不過對於香港嘅粉絲黎講，要去倫敦睇舞台劇本身就已經好難做到。咁睇佢出本書都係好事黎嘅！ | |
| harrypottertheplay.com |
