1. 日本酒係米酒，用米 + 米麴 + 水發酵而成，釀製清酒嘅米叫酒造好適米，同我地平時食嗰啲係唔同嘅。     

2. 釀酒師會磨走啲米嘅表層，一般而言磨走愈多愈純淨，「精米步合」就係講粒米剩返原本嘅幾多%，日本法例規定大吟釀 = 50% 以下；吟釀 = 60% 以下；再落就係純米酒 / 本釀造。

3. 純米，係指釀製過程之中沒有加入釀造酒精，純萃靠米麴發酵。如果加咗釀造酒精嚟增加酒嘅風味，則不能夠叫純米。

知道呢 3 大條件就簡單啦，純米大吟釀 = 精米步合低於 50% & 無加釀造酒精。市面上最高級嘅 sake 多數都屬於純米大吟釀。好出名嘅獺祭二割三分，就係精米步合 23% 嘅純米大吟釀。

清酒多數偏甜，米香濃郁，酒精濃度大約 15% 左右，好啱邊食邊飲。魚生、味淡嘅海鮮菜式尤其能夠突出酒嘅細緻變化，清酒嘅微酸亦可去除食物嘅油膩感覺，咁多年來都係日本餐佐餐酒嘅必然之選。