老老竇竇，一個人出嚟住嘅生活就係放工——超攰、煮飯——超懶、外賣——超貴、杯麵——超肥，所以有時真係寧願勁唔健康咁食零食填飽肚，都唔肯正正經經煮返餐。不過咁，食呢啲垃圾食物又要食幾多先夠飽肚丫，如果你只係懶得煮餸，仲願意啪個仔煮餐飽飯嘅，索性咪用薯片做餸，整個日本網上曾經瘋傳過嘅「薯片飯」囉~又有零食又食得飽，仲可以試幾多種口味添~

咪睇呢個組合奇奇怪怪咁，聽講食落其實幾好味，咸咸地嘅薯片既可以幫白飯調味，溝埋之後仲中和咗薯片嘅油膩感，加埋淡淡薯仔香味，Mean娜就覺得好吸引喇，反正有時lunch time都會同同事薯片撈飯食，咁其實薯片煮飯都唔係好出奇啫可？