1.要保持生產者心態
生活中其實處處都有商機，只在於你會唔會留意佢。要白手興家第一步先要學識賺錢，因為一味消費就只會愈來愈少錢，要喺消費同時留意任何機會，以生產者心態去睇任何事物，先可以致富。比如廚師生產食物，消費者就負責畀錢去食；導演生產電影，消費者就畀錢去睇等等，永遠都係Providser去滿足別人嘅需求，先會賺到錢，有機會成為富翁。
2.知道自己一日賺幾多
老闆會計住自己每日賺幾多，而打工仔只會計住自己每個月收入幾多。當你清楚自己除返開嘅工作天，每一日值幾多錢，就會開始諗點先可以將一日嘅收入變得更多。例如call多幾個客？例如online賣下嘢？例如做freelance？每日都提醒自己一日值得更多，於是你就會有動力去嘗試各種方法去增加你每日收入，積積埋埋，你就會發現賺咗唔少。
3.要敢於犧牲
好多人都唔敢脫離自己嘅comfort zone，唔敢去面對任何風險。投資又好，搞生意又好，大前提你都要拎筆錢出嚟去搏先會有所得，如果唔係，你嘅財富唔會有所增長。當然，所有事都要有最壞打算，例如投資失利，生意失敗等等，如果你有好多擔憂，不妨問問自己，如果你冒呢個風險，事情最壞情況會變成點？好多時你會發現，最後個風險咪又係同錢有關，但如果你可以犧牲一切，就有機會變得好有錢。
4.接觸有錢人嘅活動
「近朱者赤近墨者黑」，你一直置身窮人階層，身邊都係窮人嘅時候，就好難擺脫佢擠身有錢人行列，所以唔好默默接受消極嘅生活條件，多啲接觸有錢人嘅活動，例如睇樓睇車，除咗心態上會有轉變外，可能際遇同人脈上都會有改變機會。
5.善用自己才華
天生我材必有用，人人都有自己嘅個人之處，不過好多時因為社會標準，令好多人認為自己嘅才能唔「入流」而低估自己。所以當你發現自己任何一種才能嘅時候，都應該好好培養佢，唔好浪費，因為你嘅才能有朝一日可以轉化為生產或服務，去滿足別人需求，幫你賺到大筆金錢。 | 
