| 做男人，喺咩時候會覺得自己最老？我覺得係當你發現自己近排最鍾意J嘅女仔慢慢由姐姐、變同輩、變妹妹，再變小妹妹嘅時候－－嗱我唔係叫你搞啲小朋友呀下，犯法架下！只係當我見到Gigi Hadid先後性感登上《Sports Illustrated Swimsuit Issue》同《Vogue》雜誌之後有感而發咁啫！ | |
| |
| 今年只係20歲、巴勒斯坦同荷蘭混血兒嘅Gigi Hadid由兩歲開始就已經幫Guess行童裝Show，之後因為學業而暫停過一陣，然後又再繼續。2012年時仲做埋Guess嘅代言人，當年佢只係得17歲。2014年首次踏上紐約時裝週舞台，正式開始模特兒生涯。而且因為已經成年，佢影相嘅風格同時著都慢慢開放起來。例如上年尾參加Victoria's Secrets嘅Fashion Show，都已經算著得密實。踏入2016年，佢仲先後登上可以話係碩果僅存、以性感女性做封面嘅《Sports Illustrated Swimsuit Edition》2016年版、以及全裸為法國《Vogue》雜誌拍攝封面！ | |
圖片：si.com | |
| 尤其登上《Swimsuit Edition》就更值得一提。喺《Playboy》決定轉型之後，本身就已經係美國寫真界大哥嘅《Swimsuit Edition》嘅地位就更加重要。而且一年出一本都可以出到第52本，可見佢仍然非常有指標性。所以雖然上唔到封面，但都代表咗Gigi Hadid正步向性感女神之路。叫得「Swimsuit Edition」，就當然會有佢嘅泳衣照啦！比起高瘦平嘅模特兒，仲有少少Baby fat嘅Gigi Hadid真係好正囉！好想咬佢一啖或者比佢咬一啖呀～～～～～ | |
