| 擁有一架蝙蝠車、甚至係一架識飛嘅蝙蝠車(呃…仲算唔算係「車」呢咁？)大概係每個男人由細到大嘅夢想。但喺香港唔好講蝙蝠車啦，蝙蝠同車分開都好有難啦！之但係近日市面上就出現咗一部可以同你一齊飛嘅蝙蝠車，唔單止係用黎緊《Batman v Superman》入面嘅新版蝙蝠車做藍本，而且仲只係賣六舊水有找！ | |
| |
| 講到咁你都唔會以為我講緊真車啦係咪？冇錯！我講緊嘅就係由Welly's出嘅呢個蝙蝠車型行李箱！其實Welly's一向都有出開以不同現實車輛為藍本嘅手提行李箱，不過設計上就比較小童向。但今次由Warner Bros.正式授權推出嘅新蝙蝠車玩具行李箱個外觀就做到鬼咁仔細，真係大人都忍唔住想買返個！大小方面，長闊高分別為51cm x 34cm x 22cm，容量大約係8L。對大人黎講就肯定唔算實用，但就勝在可以做Hand Carry拎埋上機。值得一帶嘅係四個車轆都可以活動，換言之除咗後輪著地嘅正常拖法，仲可以用伸縮手帶黎個四輪行走！係咪好想買返個黎送畀自己…個仔呢？ | |
| |
| 咁你就有福啦！因為Welly's嘅香港代理BlossomWorkShop已經將呢款行李箱引入香港，除咗即日起可以到九龍塘又一城商場活動嘅攤位選購，玩具反斗城、一田百貨、崇光百貨、Nobletime、Metrobooks、香港．設計廊等地都有售。最最最重要嘅係－－MenClub有得送！BlossomWorkShop將會送出兩個蝙蝠車手提行李箱畀MenClub嘅讀者！只要你去返我哋嘅facebook到留言，再Tag返兩個朋友，就有機會拎到啦！仲等咩飛雲？呀唔係，係Bruce Wayne！ | |
| |
