唔知有冇男士會好奇女人高潮係咩感覺呢？同男人射精嗰一刻嘅快感似唔似呢？會唔會好似撩鼻哥窿嘅加強版咁呢？唔使估估吓喇，不如等女人形容你知啦！

外國網站thrillist最近就詢問咗多位女性，請佢哋用男士都Get得到嘅文字，具體形容自己高潮時嘅感覺。

高潮嘅感覺好似……

「就好似著住舒服嘅睡衣，啪咗藥坐過山車。」—Aiden Starr，AV演員

「就好似全身神經繃緊晒，然後又突然放鬆。然後妳想要再試一次、再試一次！」—Kathy，律師。

「就好似有人喺你體內放咗個震動器，震動越來越強，直到你忍受唔到時突然停止。等你停留喺愉快嘅痛苦之中。」—Shelly，醫護人員。

「身體中心會先熱起嚟，然後一波一波向全身襲擊。好似一種愉悅嘅地震，快樂嘅能量充滿全身，再慢慢退去。雖然好攰，但好過癮。 」—April Flores，AV演員、作家。

「好似水流不斷注入水壩，壓力越來越大，越來越緊繃，最後成個都崩裂嘅感覺。你一定覺得好似係就瀨尿咁，但放心，唔會真係瀨出嚟」—Ali Drucker，性愛作家。

「你全身開始抖動，好似多士機入面嘅多士，越來越熱，即將叮一聲咁跳出嚟，但又出唔到嚟，再過一陣，你以為就快到，但係又冇。直到你放棄抵抗，突然間就砰一聲，咁就高潮。聽落好似有啲似急住去廁所，最後崩潰噴出來嘅感覺。」—Mary Carey， AV演員、導演。

「好似有人用羽毛喺你體內搔癢，然後越來越強烈，最後好似煙花一樣，從乳頭嘅地方爆炸。」—Amelie，編輯。

「想像你瞓喺沙灘上，浪潮好似10隻手指輕輕喺身體滑嚟滑去，覺得好舒服，但突然間發現自己搭上咗過山車。」—Nadia Styles，AV演員。