體育項目有幾重要，相信不必我多作冗贅，識貨嘅人，自然會當佢係寶，經濟貢獻之巨，每年國際體育賽事有數字你睇，更顯著嘅體育對建設社會亦係不可或缺嘅一環。IWC 每年都會出特別版腕錶，以支持勞倫斯體育公益基金會嘅信念 : 「運動消除分歧、傳遞自信並促進 團隊合作精神」。 |
頒獎禮於上月舉行，德國國家足球隊教頭路維 (左) 都有現身支持 |
| 勞倫斯體育公益基金會相信體育之融合力，推動社會變革，並為弱勢兒童及青少年創造更加美好嘅未來前景，今年IWC已經為佢地出第10隻特別版。呢隻柏濤菲諾月相自動腕錶37「勞倫斯體育公益基金會」特別版，全球限量 1,500 隻，銷售部份收益將會支持基金會嘅社會項目。 |
|
錶盤、月相盈虧顯示採用咗獨特嘅「勞倫斯」藍色，12粒美鑽裝點小時刻度，配襯藍色Santoni鱷魚皮錶帶。錶殼直徑37 mm，手腕纖細嘅朋友一樣 carry 得到。腕錶由IWC自家研製 35800型自動上鏈機械機芯驅動，動力儲備約42小時。 |
|
最特別，當要睇佢錶底藝個圖案啦。每年IWC都會為呢個項目舉辦兒童和青少年繪畫比賽，得獎作品將會印響錶背，成為該年特別版腕錶嘅特色之一。 |
|
今年得獎作品來自Cyprus塞浦路斯嘅一名16歲少女，名為 Eleni Partakki，佢以「運動時刻」（Time for Sport）為題，展現咗男女細路仔一齊開心打波嘅場面。Eleni同時係塞浦路斯國際和平運動員組織（PPI）嘅成員，PPI旨在鼓勵生活於深受種族分裂影響嘅塞浦路斯嘅希族塞人、土族塞人之青少年共同參與籃球運動。 |
