呢度所講嘅射精21次，係包括包含性愛、自慰、以及夢遺所導致嘅射精。其實早喺10年前，醫學界已經有討論射精次數與患前列腺癌之間嘅關係，喺美國醫學協會發行嘅澳洲研究中，就有「射精次數與前列腺癌風險」嘅相關統計，哈佛大學公共衛生研究所最近就再度進行統計，發現每月射精次數達到21次以上嘅人，比起每月射精4-7次嘅人，得到前列腺癌嘅風險低咗2成。而主導研究嘅Rider JR就特別強調，呢份研究成果雖然揭示咗射精次數同前列腺癌嘅風險係有關係，但唔代表兩者有絕對嘅因果關係，所以解釋上要特別注意。