俗語有云，「錢並唔係萬能，但無錢就萬萬不能」。而個人認為人生之中最能夠完美演譯呢句嘢嘅時候，就係溝女嗰陣。係，你風趣幽默可以溝到女，你大隻靚仔亦當然可以溝到女，但係笑話聽得多會厭，胸肌揸得多會變，呢啲嘢，唔持久。就正如我地嘅專欄作家章柏倫所講，吸引女人的說到底都係佢嘅能力，而要Show off你嘅能力，又有啲咩好得過黃澄澄的金？

而如果你想知金錢嘅威力有幾咁大，你就可以睇下呢條片。因為片入面個男人只係揸住架林寶，望住啲女指一指個副駕位，啲女就自己坐左入去啦。下？乜你溝女仲要講嘢架？唉唷陰公豬囉！

不過我相信呢啲見錢開眼嘅女人只係少數啫，就算無錢都一家可以搵到好女仔嘅！我今日放工搭地鐵嗰陣我就試同一招！係你啦靚女，唔好兩頭望啦你！入黎啦！