百年歷史嘅瑞士腕錶MIDO一直以具代表性嘅建築物為設計靈感，令生活、建築同腕錶3者得以融為一體，今年佢地會舉辦一個世界巡迴活動，主題係BeInspiredByArchitecture (靈感源於建築)，而香港更加係全球首站。

悉尼海港大橋 — Multifort Chronograph Adventure計時碼錶

大笨鐘 — Big Ben限量版天文台錶

香港站活動期間，MIDO 會搞一個城市建築深度遊，簡單而言係一個文化導賞團，帶你去睇皇都戲院、香港聖公會聖馬利亞堂、基督君王小堂、蓮花宮等香港歷史文物建築。另外仲會於8月底喺海港城做一個「錶藝X建築紙雕藝術展」，用紙雕藝術造出一個世界名勝嘅縮影。不過，最令我期待始終係香港主題建築嘅公投環節！

Walk in Hong Kong 文化遊

紙雕藝術

紙雕藝術

MIDO將會集合全球12個城市，共60個代表建築俾全球民眾去投票，香港地區建築候選名單包括 : 終審法院(前立法會大樓)、香港大學本部大樓、大館(舊中區警署)、鐘樓及中國銀行。

8月25號起，MIDO官方Facebook會連續12星期，登出各大城市嘅候選建築俾大家留言投票，最終結果會喺11月公佈。香港4個選擇之中，我投咗港大Main Building，一來以前喺嗰度上堂，有情意結，二來可以懷緬殖民地時代，三來佢真係靚。

差啲唔記得講，MIDO 每星期會抽出一位投票者送錶，而成個活動完結時，再抽一位投票者，送最終勝出城市嘅免費旅程，意思係如果大家投香港建築，又贏咗的話，係咪會得到香港免費遊? 真係諗起都興奮呀。

報名詳情同查詢可以去官方Facebook www.facebook.com/MidoSwissWatches/