Tag Heuer 做咗英超官方指定時計，除咗計分牌、補時牌，連場上面球證同埋旁證都係帶住Tag Heuer嘅腕錶嚟執法。

英超貴為全球競爭最激烈嘅足球聯賽，計時儀器必需準確無誤，喺足球場上，除非你4424，否則一分、一秒誤差都足以改變戰果。

Tag Heuer 揀選嘅腕錶就係上年嘅Connected Smart Watch，一款集鐘錶頂級工藝、Intel高科技核心、Google 智能系列嘅作品，今年仲出埋玫瑰金版，令呢隻Connected更加貼近傳統腕表，更富有貴氣。

球證們配戴嘅Connected有特別為英超賽事而設嘅應用程式，俾佢地更容易處理一啲重要嘅時間點，例如半場45分鐘，補時嘅累積時間，仲有15分鐘中場休息計時等等，保證每一個環節嘅計時都準備無比，呢啲程式可以令裁判更專心於賽事之上。

只要你係Connected嘅用家，就可以下載官方英超主題，將盤面換成紫綠色嘅英超新logo，當你大叫「黑哨」、「4424」嗰陣肯定更為投入！