最近Mean娜新追緊《齊木楠雄的災難》動畫，估唔到呢頭開始睇，嗰頭就發現準備出真人版，仲要連男主角都揀好埋添！

個人認為，《齊木楠雄的災難》感覺有少許似《搞笑漫畫日和》，無厘頭六隻，Kai Kai地呢兩茶匙，仲有啲瘋狂添！不過佢嘅故事內容就完整好多，講述男主角齊木楠雄有窺視別人內心、念力、瞬間移動等等超能力，但佢只想平凡安穩咁生活，於是每日諗盡辦法唔咁顯眼，做個普通人，但學校一班麻煩同學成日都誤打誤撞搞著佢，令佢生活變得多災多難，好難平衡不受矚目嘅生活。