有冇人冋小編一樣，都係想紋身好耐，但又未諗到紋咩？我就覺得紋身的確係要諗到啲對自己有特別意義嘅圖案或者文字。不過從另一方面睇，其實都可以揀個圖案再同紋身師一齊modify一個有自己個性嘅紋身。所以，嚟緊嘅紋身展就唔可以錯過喇！

嚟到今年，2016香港國際紋身展將會10月14至16日(星期五至日)喺啟德郵輪碼頭擧行。今屆係主辦單位飛騰刺青Freedom Tattoo第4年舉辦香港國際紋身展，規模會比以往搞得更大更好玩！除咗一如以往邀請到來自世界各地嘅著名紋身師參展外，今屆更設有大笪地攤位，售賣本地設計及手作，將香港本地元素融入紋身展。

今次超過150位來自西班牙、德國、波蘭、日本、台灣、中國嘅世界級紋身大師及本地紋身師，由於大師名單眾多，想預約紋身者可去官網睇吓。而當中嘅大師Gabe Shum就係Freedom Tattoo創辦人。

新晉年輕潮女紋身師Cash Chan，玩顏色及玩味cutie圖案而受本地潮界歡迎，特別是女生。

香港紋身師Karl，紋彩色卡通畫出色，獨特有風格，潮人紋身師多潮客光顧。

香港代表新晉紋身師Alfred，經常出席大小events及有當part-time model， 身上部份紋身更是自己紋，畫功圖案合潮流。

另外亦有美食區同兒童遊戲區，12歲以下小童免費入場，潮爸潮媽可以帶同埋小朋友感受紋身藝術氣氛。如果想去，由即日起至8月31號，優先訂票會有8折優惠，詳情睇http://www.ticketflap.com/zh/hk-tattoo-convention2016。