首先，佢喺入面係冇任何裸露——唔係，係直頭冇任何性感鏡頭，有嘅只係正正常常演出，所以佢吸引我嘅絕對唔係佢嘅身體。其實由佢一出鏡我就已經有眼前一亮嘅感覺。嗰對圓碌碌、水汪汪嘅大眼睛，真係望多兩都會認唔住愛上佢——而我望咗好多眼呀！

所以我返到屋企就即刻Search下佢有咩其他作品，發現原來上年奇諾李維斯套《Knock Knock(港譯：夜半女敲門)》入面嗰兩條女，其中一個就係佢！佢仲有一幕裸上半身嘅出浴鏡頭，呢鋪我真係…唔得…啦…

講返佢本人，佢其實係古巴人，1988年於夏灣拿(Havana)出世，後來就讀古巴國家戲劇院，之後出演過古巴電影《Una Rosa de Francia》。後來就搬咗去西班牙，而且開始拍西班牙電視劇《El Internado》，直到2011年去美國發展之前，都參演過幾套電影、電視作品。

2014年佢就去到美國發展，2015年參演《Knock Knock》之後人氣開始上升。16年除咗《War Dogs》之外，仲有同樣與奇諾李維斯合作嘅《Exposed》以及同羅拔迪尼路合作嘅《Hands of Stone》，再黎就係呢套《War Dogs》啦。