| 理論上，一套戲最怕嘅就係被人劇透——你成條橋爆哂出黎啲人仲使鬼入場？不過呢個情況去到英雄片就完全係另一回事，無論係咩英雄片，都好鍾意久唔久就滲啲、久唔久就滲啲料出黎吊下你癮。例如Ben Affleck早排就親自流出咗佢自己執導、目前連幾時上都唔知嘅《蝙蝠俠》新戲情報，就係戲入面嘅敵人！ | |
Ben Affleck琴日就喺自己嘅Twitter到放咗一條冇題目、冇Cation嘅27秒短片，睇黎就似係佢翻拍個電視得黎。畫面入面就出現咗一個著橙黑色盔甲嘅角色。而根據外媒報導，呢位就係漫畫中蝙蝠俠與綠箭俠嘅敵人「Deathstroke」。 Deathstroke真名「Slade Wilson」，最初於80年代的DC漫畫中登場。佢本身係一名美國陸軍，16歲時就謊報年齡開始參軍，憑過人實力於短時間內升至少校，後來吸引到「Adeline Kane」——後來成為佢老婆——嘅注意，於是喺Adeline嘅安排下接受私人部隊訓練，於一年時間內學識所有戰鬥技巧。後來又接受咗超級士兵秘密實驗，就開始有超乎常人十倍嘅力量、敏捷、智力、反應等，而且受咗傷之後可以快速癒合。據聞連Marvel嘅Deadpool都係以佢為藍本設計。 | |
| |
| Deathstroke嘅能力非常強大，單論肉搏戰亦曾經打贏蝙蝠俠及Nightwing(即係第一代羅賓)，而且佢精通非常多武器，喺漫畫中曾經要綠燈俠、綠箭俠、水行俠等人合力先可以制服佢。佢亦曾於電視劇《Arrow》中登場，當時就由澳洲演員Manu Bennett飾演。但電影版又會唔會係佢做返呢就唔知啦，因為之前有傳會係《光豬舞壯士》演員Joe Manganiello接手。 | |
| Maxim | |
