《無限之住人》喺於2015年10月嘅時候就公佈會拍真人版電影，由三池崇史指導、大石哲也撰寫、木村拓哉主演，而家終於確定電影將會喺2017年5月上映喇！

《無限之住人》係日本漫畫家沙村廣明嘅古裝劍俠漫畫，2008年7月至同年12月被改編為日本電視動畫。《無限之住人》故事講述1792年嘅日本江戶時代，有一個擁有不死身嘅劍士萬次，發誓殺一千個惡人來贖百人斬嘅罪。後來佢遇到身負血仇嘅孤女凜，決定要幫佢報仇。另外由於設定上萬次係不死身，佢透過一種西藏秘術──血仙蟲嚟實現不死之夢，一旦成為血仙蟲嘅寄主，無論受幾大嘅傷，都可以及時被血仙蟲修補，萬次就係咁樣所以生存至八百歲。