老老實實，男人嘅夢想，不外乎金錢與女人。冇錯！如果你好有錢，你可以得到好多女人(如無意外)，但如果你冇乜錢，你都可以得到心目中嘅女神，不過呢個女神，需要你自己手工創造。

日本一名孤毒少男Arufa，運用創作力量同幻想(再加少少金錢)，親手將浴室個花灑改裝成「美少女」，目的係想幫空虛寂寞嘅浴室增添一點色彩喎……

呢個就係佢嘅「平凡花灑頭」，跟住Arufa將會逐步將花灑改裝成美少女。

第二步︰將美少女個頭裝喺花灑上面，由於要用口噴水，所以花灑頭要對準美少女嘅櫻桃小嘴

第三步︰如果得個頭，實在太嚇人，所以要為美少女加返個身，並且穿上性感而不失純情嘅白色喱士睡衣

第四步︰將報紙塞入睡衣入面，令美少女嘅身體鼓起，唔會扁塌塌咁空虛

第五步︰嚟到重要嘅波波部分，Arufa唔貪心，F Cup就啱啱好～(笑)

 加埋用報紙捲成嘅手臂黐喺兩側，美少女嘅身體就完成喇！！！

第六步︰然後就為呢個咒怨娃娃……呀，唔係，係美少女娃娃注入生命，開始喺慘白嘅臉上塗上膚色嘅防水顏料

第七步︰喺畫紙上畫上閃閃動人嘅眼睛，剪成合適尺寸，黐喺美少女眼眶入面

第八步︰戴上長長嘅金色秀髮

美少女花灑頭終於完成！！Arufa可以實現同女神共浴嘅夢想！立刻進行第一次試驗，開水！

嗚啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊

美少女七孔流水！！太驚人了！

呢次試吓將美少女個口整大啲，再來一次！

成功喇！！美少女從小嘴噴出水柱，Arufa不禁幸福到大叫！！

「我是全世界最幸福嘅男人！！」